Молитвы в День Рождения

Молитвы

Господи Иисусе Христе, помилуй мя грешного

Господь Вседержитель

Молитва Святому Духу

    Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша[2].

Икона Ангела Хранителя

Молитва ко святому Ангелу хранителю

    Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. 

Аминь.

Молитва

Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спасению прошения и жизнь вечную. В немощех сущия посети и исцеление даруй. Иже на мори управи. Путешествующим спутешествуй. Православным христианом спобо́рствуй. Служащим и милующим нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отец и братий наших и упокой их, идеже присещает свет лица Твоего. Помяни, Господи, братий наших плененных и избави я от всякаго обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас, смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии и всех Твоих святых: яко благословен еси во веки веков. Аминь.

Икона Дмитрия Донского

Молитва благоверному князю Дмитрию Донскому

О святый угодниче Божий, праведне Димитрие! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Икона Божьей Матери Умиление

    Заступнице Усердная, Мария милосердная, О Мати Бога Вышняго, Христа -- Царя Всевышнего! Ты молишь Сына Твоего, Владыку, Спаса нашего, О всех, к Тебе взывающих, под кров Твой прибегающих! О Госпоже, благая Мать! Подай Твою нам благодать -- Святого заступления и в скорби утешения.

    Владычице Небесная, Невесто Неневестная, Подай в бедах терпение, В болезнях исцеление. О, Дева Благодатная, Надежда Невозвратная, Вонми напастей, бед, скорбей, Предстань Покровом для людей. Взираем мы на образ Твой. И плачем горько пред Тобой - Царице милости, щедрот, Родною Матерью сирот.

  Всех нас, Царица, просвещай, Всех, Богородица, спасай, Пошли Божественный Покров Твоим дитям от злых врагов. Невинных защити в суде, Несчастным помоги в беде, Утехой будь изгнанникам, Всем узникам и странникам. 

 Заступнице Усердная, Мария милосердная, О Мати Бога Вышняго, Христа -- Царя Всевышнего! Ты молишь Сына Твоего, Владыку, Спаса нашего, О всех, к Тебе взывающих, под кров Твой прибегающих

Крест с Кленовыми листьями

    Огради мя, Господи, силою Честнаго и Животворящаго Твоего Креста, и сохрани мя от всякаго зла.
    Во Имя Отца, Сына и Святого Духа.
    Аминь