Кафизма 11_(77-84)

Псалтырь

Псалмы 77-84

Псалом 77

Разума Асафу	В научение. Асафа.
1 Внемлите, людие мои, закону моему, приклоните ухо ваше во глаголы уст моих.	1 Внимай, народ мой, закону моему, склоните ухо ваше к речам уст моих:
2 Отверзу в притчах уста моя, провещаю ганания исперва.	2 открою я в притчах уста мои, изреку загадки изначальные.
3 Елика слышахом и познахом я, и отцы наши поведаша нам:	3 Сколько мы услышали и познали их, и отцы наши рассказали нам,
4 не утаишася от чад их в род ин, возвешающе хвалы Господни и силы Его, и чудеса Его, яже сотвори.	4 не утаилось от детей их, в роде ином; возвещаем мы хвалы Господу, и силы Его, и чудеса Его, которые Он сотворил.
5 И воздвиже свидение во Иакове, и закон положи во Израили: елика заповеда отцем нашим, сказати я сыновом своим,	5 И воздвиг Он свидетельство в Иакове, и закон установил в Израиле, всё, что заповедал Он отцам нашим, чтобы передать это их сынам.
6 яко да познает род ин, сынове родящиися, и востанут и поведят я сыновом своим:	6 Чтобы познал род иной, сыновья, что будут рождены; и восстанут, и возвестят это сынам своим.
7 да положат на Бога упование свое, и не забудут дел Божиих, и заповеди Его взыщут.	7 Чтобы возложили они на Бога надежду свою, и не забыли дел Божиих, и заповедей Его искали.
8 Да не будут якоже отцы их, род строптив и преогорчеваяй, род иже не исправи сердца своего, и не увери с Богом духа своего.	8 Чтобы не стали они как отцы их, род строптивый и досаждающий, род, который не исправил сердца своего и не вверил Богу духа своего.
9 Сынове Ефремли наляцающе и стреляюще луки, возвратишася в день брани:	9 Сыны Ефрема, напрягаясь и стреляя из луков, обратились назад в день битвы.
10 не сохраниша завета Божия, и в законе Его не восхотеша ходити.	10 Не сохранили завета Божия и по закону Его поступать не хотели,
11 И забыша благодеяния Его, и чудеса Его, яже показа им	11 и забыли благодеяния Его и чудеса Его, которые Он показал им,
12 пред отцы их, яже сотвори чудеса в земли Египетстей, на поли Танеосе.	12 чудеса, которые сделал Он пред отцами их, в земле Египетской, на равнине Танис.
13 Разверзе море, и проведе их, представи воды яко мех.	13 Разверз море и провёл их, поставил воды, как в мехе,
14 И настави я облаком во дни, и всю нощь просвещением огня.	14 и облаком направлял их днём, и всю ночь сиянием огня.
15 Разверзе камень в пустыни, и напои я яко в бездне мнозе,	15 Расторг скалу в пустыне и напоил их, как из великой бездны,
16 и изведе воду из камене, и низведе яко реки воды.	16 и извёл воду из скалы, и низвёл, как реки, воды.
17 И приложиша еще согрешати Ему, преогорчиша Вышняго в безводней;	17 И продолжали они еще грешить пред Ним: огорчили Всевышнего в земле безводной,
18 и искусиша Бога в сердцах своих, вопросити брашна душам своим.	18 и искусили Бога в сердцах своих, требуя пищи для душ своих.
19 И клеветаша на Бога, и реша: еда возможет Бог уготовати трапезу в пустыни?	19 И клеветали на Бога, и сказали: "Неужели сможет Бог приготовить трапезу в пустыне?
20 Понеже порази камень, и потекоша воды, и потоцы наводнишася: еда и хлеб может дати, или уготовати трапезу людем Своим?	20 Ибо Он ударил скалу, и потекли воды, и потоки переполнились; неужели и хлеб может дать или приготовить трапезу народу Своему?"
21 Сего ради слыша Господь и презре: и огнь возгореся во Иакове, и гнев взыде на Израиля,	21 Посему услышал Бог и вознегодовал; и огонь загорелся в Иакове, и гнев поднялся на Израиля,
22 яко не вероваша Богови, ниже уповаша на спасение Его.	22 ибо не поверили Богу и не уповали на спасение от Него.
23 И заповеда облаком свыше, и двери небесе отверзе,	23 И повелел Он облакам свыше, и отворил двери неба,
24 и одожди им манну ясти, и хлеб небесный даде им.	24 и дождём пролил на них манну в пищу, и хлеб небесный дал им.
25 Хлеб ангельский яде человек, брашно посла им до сытости.	25 Хлеб ангельский ел человек, пищу Он послал им до сытости.
26 Воздвиже юг с небесе, и наведе силою Своею лива,	26 Поднял Он южный ветер с небес, и навёл западный силою Своею,
27 и одожди на ня яко прах плоти, и яко песок морский птицы пернаты.	27 и дождём пролил на них, как прах, мясо, и как, песок морской, – птиц пернатых,
28 И нападоша посреде стана их, окрест жилищ их.	28 и нападали посреди стана их, вокруг шатров их.
29 И ядоша и насытишася зело, и желание их принесе им.	29 И поели, и насытились весьма, и желание их Он доставил им,
30 Не лишишася от желания своего: еще брашну сущу во устех их:	30 не лишились желанного им. Но когда ещё пища была в их устах,
31 и гнев Божий взыде на ня, и уби множайшая их, и избранным Израилевым запят.	31 гнев Божий и пришёл на них, и убил множество из них, и избранных Израиля низверг.
32 Во всех сих согрешиша еще, и не вероваша чудесем Его.	32 При всём этом они грешили ещё и не верили чудесам Его,
33 И исчезоша в суете дние их, и лета их со тщанием.	33 и прошли в суете дни их, и годы их – с быстротою.
34 Егда убиваше я, тогда взыскаху Его, и обращахуся, и утреневаху к Богу:	34 Когда Он убивал их, они искали Его, и обращались, и с рассвета устремлялись к Богу,
35 и помянуша, яко Бог Помощник им есть, и Бог Вышний Избавитель им есть.	35 и вспоминали, что Бог – Помощник их, и Бог Всевышний – Избавитель их.
36 И возлюбиша Его усты своими, и языком своим солгаша Ему:	36 И любили Его лишь устами своими, и языком своим лгали Ему,
37 сердце же их не бе право с Ним, ниже уверишася в завете Его.	37 сердце же их не было право пред Ним, и не верны они были завету Его.
38 Тойже есть щедр, и очистит грехи их, и не растлит, и умножит отвратити ярость Свою, и не разжжет всего гнева Своего.	38 Но Он – сострадателен, и смилуется над грехами их, и не будет губить, и многократно отвратит ярость Свою, и не воспламенит всего гнева Своего.
39 И помяну, яко плоть суть, дух ходяй и не обращаяйся.	39 И помнил Он, что они – плоть, дух, который уходит и не возвращается.
40 Колькраты преогорчиша Его в пустыни, прогневаша Его в земли безводней?	40 Сколько раз они огорчали Его в пустыне, прогневляли Его в земле безводной?
41 И обратишася, и искусиша Бога, и Святаго Израилева раздражиша,	41 То обращались, то искушали Бога, и святого Израилева раздражали.
42 и не помянуша руки Его в день, воньже избави я из руки оскорбляюшаго,	42 И не помнили руки Его, дня, в который Он избавил их из руки притеснителя,
43 якоже положи во Египте знамения Своя, и чудеса Своя на поли Танеосе,	43 когда Он совершил в Египте знамения Свои и чудеса Свои на равнине Танис.
44 и преложи в кровь реки их, и источники их, яко да не пиют.	44 И превратил в кровь реки их, и потоки их, чтобы не могли они пить.
45 Посла на ня песия мухи и поядоша я: и жабы, и растли я.	45 Послал на них пёсьих мух, и жалили их, и жаб – и губили их.
46 И даде рже плоды их, и труды их пругом.	46 И отдал ржавчине плоды их, и труды их – саранче.
47 Уби градом винограды их, и черничие их сланою,	47 Побил градом виноград их, и шелковицы их – инеем.
48 и предаде граду скоты их, и имение их огню.	48 И предал граду скот их и имущество их – огню.
49 Посла на ня гнев ярости Своея, ярость и гнев и скорбь, послание ангелы лютыми.	49 Послал на них гнев яростный Свой, ярость, и гнев, и скорбь, посланные через Ангелов бедствий.
50 Путесотвори стезю гневу Своему, и не пощаде от смерти душ их: и скоты их в смерти заключи,	50 Проложил стезю гневу Своему, и не пощадил от смерти душ их, и скот их в смерти затворил.
51 и порази всякое первородное в земли Египетстей, начаток всякаго труда их в селениих Хамовых.	51 И поразил всё первородное в земле Египетской, начаток всякого труда их в шатрах Хамовых.
52 И воздвиже яко овцы люди Своя, и возведе я яко стадо в пустыни,	52 И поднял, как овец, народ Свой, и повёл их, как стадо, в пустыне.
53 и настави я на упование, и не убояшася, и враги их покры море.	53 И направил их в надежде, и не убоялись, а врагов их покрыло море.
54 И введе я в гору святыни Своея, гору сию, юже стяжа десница Его.	54 И ввёл их на гору святыни Своей, на эту гору, которую приобрела десница Его,
55 И изгна от лица их языки, и по жребию даде им [землю] ужем жребодаяния, и всели в селениих их колена Израилева.	55 и изгнал от лица их народы, и отдал им в наследство землю их, разделив вервью на жребии, и поселил в жилищах их колена Израилевы.
56 И искусиша и преогорчиша Бога Вышняго, и свидений Его не сохраниша,	56 И искусили, и огорчили они Бога Всевышнего, и свидетельств Его не сохранили,
57 и отвратишася, и отвергошася, якоже и отцы их, превратишася в лук развращен,	57 и отвратились, и изменили, как и отцы их, превратились в искривлённый лук,
58 и прогневаша Его в холмех своих и во истуканных своих раздражиша Его.	58 и прогневали Его на холмах своих, и истуканами своими возбудили ревность Его.
59 Слыша Бог и презре, и уничижи зело Израиля,	59 Услышал Бог, и пренебрёг, и совсем презрел Израиля,
60 и отрину скинию Силомскую, селение, еже вселися в человецех.	60 и отверг скинию Силомскую, жилище Своё, в котором поселился Он среди людей.
61 И предаде в плен крепость их, и доброту их в руки врагов,	61 И предал в плен силу их и красу их в руки врагов,
62 и затвори во оружии люди Своя, и достояние Свое презре.	62 и заключил во власть меча народ Свой, и наследием Своим пренебрёг.
63 Юношы их пояде огнь, и девы их не осетованы быша;	63 Юношей их поглотил огонь, и о девах их не скорбели;
64 священницы их мечем падоша, и вдовицы их не оплаканы будут.	64 священники их пали от меча, и вдов их не оплачут.
65 И воста яко спя Господь, яко силен и шумен от вина,	65 И, как спящий, пробудился Господь, как силач, охмелевший от вина,
66 и порази враги Своя вспять, поношение вечное даде им.	66 и поразил врагов Своих в тыл, вечному позору предал их.
67 И отрину селение Иосифово, и колено Ефремово не избра,	67 И отверг шатёр Иосифа, и колена Ефремова не избрал;
68 и избра колено Иудово, гору Сионю, юже возлюби,	68 и избрал колено Иудино, гору Сион, которую возлюбил.
69 и созда яко единорога святилище Свое, на земли основа и в век.	69 И построил, как единорога, святилище Своё, на земле основал его навек.
70 И избра Давида раба Своего, и восприят eго от стад овчих.	70 И избрал Давида, раба Своего, и призвал его от стад овец,
71 От доилиц поят eго пасти Иакова раба Своего и Израиля достояние Свое.	71 от доящих взял его, пасти Иакова, раба Своего и Израиля, наследие Своё.
72 И упасе я в незлобии сердца своего, и в разумех руку своею наставил я есть.	72 И он стал пасти их в беззлобии сердца своего и разумными руками своими повёл их.
Слава:	Слава:

     Внемлите, людие мои, закону моему, приклоните ухо ваше во глаголы уст моих. Отверзу в притчах уста моя, провещаю ганания исперва. Елика слышахом и познахом я, и отцы наши поведаша нам: не утаишася от чад их в род ин, возвешающе хвалы Господни и силы Его, и чудеса Его, яже сотвори. И воздвиже свидение во Иакове, и закон положи во Израили: елика заповеда отцем нашим, сказати я сыновом своим, яко да познает род ин, сынове родящиися, и востанут и поведят я сыновом своим: да положат на Бога упование свое, и не забудут дел Божиих, и заповеди Его взыщут. Да не будут якоже отцы их, род строптив и преогорчеваяй, род иже не исправи сердца своего, и не увери с Богом духа своего. Сынове Ефремли наляцающе и стреляюше луки, возвратишася в день брани: не сохраниша завета Божия, ни в законе Его не восхотеша ходити. И забыша благодеяния Его, и чудеса Его, яже показа им пред отцы их, яже сотвори чудеса в земли Египетстей: на поли Танеосе. Разверзе море, и проведе их, представи воды яко мех. И настави я облаком во дни, и всю нощь просвещением огня. Разверзе камень в пустыни, и напои я яко в бездне мнозе, и изведе воду из камене, и низведе яко реки воды. И приложиша еще согрешати Ему, преогорчиша Вышняго в безводней; и искусиша Бога в сердцах своих, воспросити брашна душам своим. И клеветаша на Бога, и реша: еда возможет Бог уготовати трапезу в пустыни? Понеже порази камень, и потекоша воды, и потоцы наводнишася: еда и хлеб может дати, или уготовати трапезу людем Своим? Сего ради слыша Господь и презре: и огнь возгореся во Иакове, и гнев взыде на Израиля, яко не вероваша Богови, ниже уповаша на спасение Его. И заповеда облаком свыше, и двери небесе отверзе, и одожди им манну ясти, и хлеб небесный даде им. Хлеб ангельский яде человек, брашно посла им до сытости. Воздвиже юг с небесе, и наведе силою Своею лива, и одожди на ня яко прах плоти, и яко песок морский птицы пернаты. И нападоша посреде стана их, окрест жилищ их. И ядоша и насытишася зело, и желание их принесе им. Не лишишася от желания своего: еще брашну сушу во устех их: и гнев Божий взыде на ня, и уби множайшая их, и избранным Израилевым запят. Во всех сих согрешиша еще, и не вероваша чудесем Его. И исчезоша в суете дние их, и лета их со тщанием. Егда убиваше я, тогда взыскаху Его, и обращахуся, и утреневаху к Богу: и помянуша, яко Бог Помощник им есть, и Бог Вышний Избавитель им есть. И возлюбиша Его усты своими, и языком своим солгаша Ему: сердце же их не бе право с Ним, ниже уверишася в завете Его. Тойже есть щедр, и очистит грехи их, и не растлит, и умножит отвратити ярость Свою, и не разжжет всего гнева Своего. И помяну, яко плоть суть, дух ходяй и не обращаяйся. Колькраты преогорчиша Его в пустыни, прогневаша Его в земли безводней? И обратишася, и искусиша Бога, и Святаго Израилева раздражиша, и не помянуша руки Его в день, воньже избави я из руки оскорбляюшаго, якоже положи во Египте знамения своя, и чудеса своя на поли Танеосе, и преложи в кровь реки их, и источники их, яко да не пиют. Посла на ня песия мухи и поядоша я: и жабы, и растли я. И даде рже плоды их, и труды их пругом. Уби градом винограды их, и черничие их сланою, и предаде граду скоты их, и имение их огню. Посла на ня гнев ярости Своея, ярость и гнев и скорбь, послание аггелы лютыми. Путесотвори стезю гневу Своему, и не пощаде от смерти душ их: и скоты их в смерти заключи, и порази всякое первородное в земли Египетстей, начаток всякаго труда их в селениих Хамовых. И воздвиже яко овцы люди Своя, и возведе я яко стадо в пустыни, и настави я на упование, и не убояшася, и враги их покры море. И введе я в гору святыни Своея, гору сию, юже стяжа десница Его. И изгна от лица их языки, и по жребию даде им [землю] ужем жребодаяния, и всели в селениих их колена Израилева. И искусиша и преогорчиша Бога Вышняго, и свидений Его не сохраниша, и отвратишася, и отвергошася, якоже и отцы их, превратишася в лук развращен, и прогневаша Его в холмех своих и во истуканных своих раздражиша Его. Слыша Бог и презре, и уничижи зело Израиля, и отрину скинию Силомскую, селение, еже вселися в человецех. И предаде в плен крепость их, и доброту их в руки врагов, и затвори во оружии люди Своя, и достояние Свое презре. Юношы их пояде огнь, и девы их не осетованы быша; священницы их мечем падоша, и вдовицы их не оплаканы будут. И воста яко спя Господь, яко силен и шумен от вина, и порази враги Своя вспять, поношение вечное даде им. И отрину селение Иосифово, и колено Ефремово не избра, и избра колено Иудово, гору Сионю, юже возлюби, и созда яко единорога святилище Свое, на земли основа и в век. И избра  Давида раба Своего, и восприят его от стад овчих. От доилиц поят его пасти Иакова раба Своего и Израиля достояние Свое. И упасе я в незлобии сердца своего, и в разумех руку своею наставил я есть.

Слава:

Псалом 78

Псалом Асафу	Псалом Асафа.
1 Боже, приидоша языцы в достояние Твое, оскверниша храм святый Твой,	1 Боже, пришли язычники в наследие Твоё, осквернили храм святой Твой,
2 положиша Иерусалим яко овощное хранилище, положиша трупия раб Твоих брашно птицам небесным, плоти преподобных Твоих зверем земным.	2 сделали Иерусалим как сторожку в саду, повергли трупы рабов Твоих в пищу птицам небесным, тела святых Твоих – зверям земным,
3 Пролияша кровь их яко воду окрест Иерусалима, и не бе погребаяй.	3 пролили кровь их, как воду, вокруг Иерусалима, и некому было погребать их.
4 Быхом поношение соседом нашым, подражнение и поругание сущым окрест нас.	4 Мы стали ругательством для соседей наших, глумлением и посмешищем для окружающих нас.
5 Доколе, Господи, прогневаешися до конца? Разжжется яко огнь рвение Твое?	5 Доколе, Господи, будешь гневаться до конца, разгораться, как огонь, будет ревность Твоя?
6 Пролей гнев Твой на языки не знающыя Тебе, и на царствия, яже имене Твоего не призваша,	6 Пролей гнев Твой на народы, не знающие Тебя, и на царства, которые имени Твоего не призвали,
7 яко поядоша Иакова, и место eго опустошиша.	7 ибо они пожрали Иакова и место его опустошили.
8 Не помяни наших беззаконий первых: скоро да предварят ны щедроты Твоя, Господи, яко обнищахом зело.	8 Не вспомни наших беззаконий прежних. Скоро да встретит нас сострадание Твоё, Господи, ибо мы обнищали весьма.
9 Помози нам, Боже, Спасителю наш, славы ради имене Твоего, Господи, избави ны, и очисти грехи наша имене ради Твоего.	9 Помоги нам, Боже, Спаситель наш, ради славы имени Твоего, Господи, избавь нас, и будь милостив ко грехам нашим ради имени Твоего,
10 Да не когда рекут языцы, где есть Бог их? И да увестся во языцех пред очима нашима отмщение крове раб Твоих пролитыя.	10 чтобы не сказали язычники: "Где Бог их?" И да будет известно среди народов пред глазами нашими отмщение за пролитую кровь рабов Твоих.
11 Да внидет пред Тя воздыхание окованных, по величию мышцы Твоея снабди сыны умерщвленных.	11 Да придёт пред лицо Твоё стенание узников, по величию мышцы Твоей сохрани сынов умерщвлённых,
12 Воздаждь соседом нашым седмерицею в недро их поношение их, имже поносиша Тя, Господи.	12 возврати соседям нашим семикратно в недро их поношение их, которым они поносили Тебя, Господи.
13 Мы же, людие Твои и овцы пажити Твоея, исповемыся Тебе, Боже, во век, в род и род возвестим хвалу Твою.	13 А мы, народ Твой и овцы пастбища Твоего, будем славить Тебя вовек, в род и род возвещать хвалу Тебе.

    Боже, приидоша языцы в достояние Твое, оскверниша храм святый Твой, положиша Иерусалим яко овощное хранилище, положиша трупия раб Твоих брашно птицам небесным, плоти преподобных Твоих зверем земным. Пролияша кровь их яко воду окрест Иерусалима, и не бе погребаяй. Быхом поношение соседом нашым, подражнение и поругание сущым окрест нас. Доколе, Господи, прогневаешися до конца? Разжжется яко огнь рвение Твое? Пролей гнев Твой на языки не знающыя Тебе, и на царствия, яже имене Твоего не призваша, яко поядоша Иакова, и место его опустошиша. Не помяни наших беззаконий первых: скоро да предварят ны щедроты Твоя, Господи, яко обнищахом зело. Помози нам, Боже, Спасителю наш, славы ради имене Твоего, Господи, избави ны, и очисти грехи нашя имене ради Твоего. Да не когда рекут языцы, где есть Бог их? И да увестся во языцех пред очима нашима отмщение крове раб Твоих пролитыя. Да внидет пред Тя воздыхание окованных, по величию мышцы Твоея снабди сыны умерщвленных. Воздаждь соседом нашым седмерицею в недро их поношение их, имже поносиша Тя, Господи. Мы же, людие Твои и овцы пажити Твоея, исповемыся Тебе, Боже, во век, в род и род возвестим хвалу Твою.

Псалом 79

В конец, о изменшихся, свидение Асафу, псалом	К исполнению. О тех, кому предстоит измениться. Свидетельство Асафа. Псалом.
1 Пасый Израиля вонми: наставляяй яко овча Иосифа, седяй на Херувимех, явися,	1 Пастырь Израиля, внемли, ведущий, как овец Иосифа, восседающий на Херувимах, явись!
2 пред Ефремом и Beниамином и Манассием, воздвигни силу Твою, и прииди во еже спасти нас.	2 Пред Ефремом, и Вениамином, и Манассией воздвигни силу Твою и приди, чтобы спасти нас.
3 Боже, обрати ны, и просвети лице Твое, и спасемся.	3 Боже, обрати нас и яви свет лица Твоего, и спасёмся.
4 Господи Боже сил, доколе гневаешися на молитву раб Твоих?	4 Господи, Боже сил, доколе гневаешься на молитву рабов Твоих,
5 Напитаеши нас хлебом слезным, и напоиши нас слезами в меру.	5 питать нас будешь хлебом слёзным и поить нас слезами по мере?
6 Положил еси нас в пререкание соседом нашым, и врази наши подражниша ны.	6 Ты сделал нас пререканием для соседей наших, и враги наши глумились над нами.
7 Господи Боже сил, обрати ны, и просвети лице Твое, и спасемся.	7 Господи, Боже сил, обрати нас и яви свет лица Твоего, и спасёмся.
8 Виноград из Египта пренесл еси, изгнал еси языки, и насадил еси и.	8 Ты виноградную лозу из Египта перенёс, изгнал народы и насадил её,
9 Путесотворил еси пред ним, и насадил еси корения eго, и исполни землю.	9 проложил путь перед ней и насадил корни её, и она наполнила землю.
10 Покры горы сень eго, и ветвия eго кедры Божия;	10 Покрыла горы тень её, и побеги её обвили кедры Божии,
11 простре розги eго до моря, и даже до рек отрасли eго.	11 протянула она ветви свои до моря, и до реки – отрасли её.
12 Вскую низложил еси оплот eго, и объимают и вси мимоходящии путем?	12 Для чего разорил Ты ограду её, и обрывают её все, проходящие путём?
13 Озоба и вепрь от дубравы, и уединенный дивий пояде и.	13 Повредил её вепрь из дубравы, и одинокий дикий зверь объел её.
14 Боже сил, обратися убо, и призри с Небесе и виждь, и посети виноград сей,	14 Боже сил, обратись же, и посмотри с неба, и воззри, и посети эту виноградную лозу,
15 и соверши и, eгоже насади десница Твоя, и на сына человеческаго, eгоже укрепил еси Себе.	15 и исправь её, которую насадила десница Твоя, и сына человеческого, которого Ты укрепил Себе.
16 Пожжен огнем и раскопан, от запрещения лица Твоего погибнут.	16 Она сожжена огнём и разрыта... От угрозы лица Твоего они погибнут!
17 Да будет рука Твоя на мужа десницы Твоея, и на сына человеческаго, eгоже укрепил еси Себе,	17 Да будет рука Твоя на муже десницы Твоей и на сыне человеческом, которого Ты укрепил Себе,
18 и не отступим от Тебе; оживиши ны, и имя Твое призовем.	18 и мы не отступим от Тебя: Ты оживишь нас, и имя Твоё призовём.
19 Господи Боже сил, обрати ны, и просвети лице Твое, и спасемся.	19 Господи, Боже сил, обрати нас и яви свет лица Твоего, и спасёмся.

    Пасый Израиля вонми: наставляяй яко овча Иосифа, седяй на Херувимех, явися, пред Ефремом и Beниамином и Манассием, воздвигни силу Твою, и прииди во еже спасти нас. Боже, обрати ны, и просвети лице Твое, и спасемся. Господи Боже сил, доколе гневаешися на молитву раб Твоих? Напитаеши нас хлебом слезным, и напоиши нас слезами в меру. Положил еси нас в пререкание соседом нашым, и врази наши подражниша ны. Господи Боже сил, обрати ны, и просвети лице Твое, и спасемся. Виноград из Египта принесл еси, изгнал еси языки, и насадил еси и. Путесотворил еси пред ним, и насадил еси корения его, и исполни землю. Покры горы сень его, и ветвия его кедры Божия; простре розги его до моря, и даже до рек отрасли его. Вскую низложил еси оплот его, и объимают и вси мимоходящии путем? Озоба и вепрь от дубравы, и уединенный дивий пояде и. Боже сил, обратися убо, и призри с Небесе и виждь, и посети виноград сей, и соверши и, егоже насади десница Твоя, и на сына человеческаго, егоже укрепил еси Себе. Пожжен огнем и раскопан, от запрещения лица Твоего погибнут. Да будет рука Твоя на мужа десницы Твоея, и на сына человеческаго, егоже укрепил еси Себе, и не отступим от Тебе; оживиши ны, и имя Твое призовем. Господи Боже сил, обрати ны, и просвети лице Твое, и спасемся.

Псалом 80

В конец, о точилех, псалом Асафу	К исполнению, о точилах. Псалом Асафа.
1 Радуйтеся Богу, Помощнику нашему, воскликните Богу Иаковлю,	1 Радуйтесь о Боге, помощнике нашем, воскликните Богу Иакова, –
2 приимите псалом и дадите тимпан, псалтирь красен с гусльми,	2 возьмитесь за псалом и дайте тимпан, псалтирь приятную с гуслями!
3 вострубите в новомесячии трубою, во благознаменитый день праздника вашего,	3 Затрубите в новомесячие трубою, в знаменательный день праздника вашего,
4 яко повеление Израилеви есть, и судьба Богу Иаковлю.	4 ибо это – повеление для Израиля и решение Бога Иакова.
5 Свидение во Иосифе положи е, внегда изыти eму от земли Египетския, языка eгоже не ведяше услыша.	5 Положил Он это во свидетельство Иосифу, когда тот вышел из земли Египетской и язык, которого не знал, услышал.
6 Отъят от бремене хребет eго, руце eго в коши поработасте.	6 Я избавил от тяжестей плечи его, руки его, с корзинами работавшие.
7 В скорби призвал Мя еси, и избавих тя, услышах тя в тайне бурне, искусих тя на воде пререкания.	7 В скорби ты призвал Меня, и Я освободил тебя, услышал тебя, скрываясь в буре, испытал тебя у воды пререкания.
8 Слышите, людие мои, и засвидетельствую вам, Израилю, аще послушаеши Мене.	8 Слушай, народ Мой, и засвидетельствую тебе: "Израиль, если послушаешь Меня,
9 Не будет Тебе бог нов , ниже поклонишися богу чуждему.	9 не будет среди тебя бога нового, и не будешь кланяться богу чужому, –
10 Аз бо есмь Господь Бог твой, изведый тя от земли Египетския, разшири уста Твоя, и исполню я.	10 ибо Я – Господь, Бог твой, изведший тебя из земли Египетской; широко раскрой уста твои, и Я наполню их".
11 И не послушаша людие мои гласа Моего, и Израиль не внят Ми:	11 И не послушал народ Мой гласа Моего, и Израиль не внял Мне,
12 и отпустих я по начинанием сердец их, пойдут в начинаниих своих.	12 и предоставил Я их замыслам сердец их, – будут ходить по замыслам своим.
13 Аще быша людие Мои послушали Мене, Израиль аще бы в пути Моя ходил,	13 Если бы народ Мой послушал Меня, если бы Израиль путями Моими шёл,
14 ни о чесом же убо враги eго смирил бых, и на оскорбляюшыя их возложил бых руку Мою.	14 без труда Я смирил бы врагов его и на теснящих их наложил бы руку Мою!
15 Врази Господни солгаша Eму, и будет время их в век.	15 Враги Господни солгали Ему, – и время бедствия их будет навек.
16 И напита их от тука пшенична, и от камене меда насыти их.	16 А тех напитал Он тучной пшеницей и мёдом из скалы насытил их.
Слава:	Слава:

    Радуйтеся Богу, Помощнику нашему, воскликните Богу Иаковлю, приимите псалом и дадите тимпан, псалтирь красен с гусльми, вострубите в новомесячии трубою, во благознаменитый день праздника вашего, яко повеление Израилеви есть, и судьба Богу Иаковлю. Свидение во Иосифе положи е, внегда изыти ему от земли Египетския, языка егоже не ведяше услыша. Отъят от бремене хребет его, руце его в коши поработасте. В скорби призвал Мя еси, и избавих тя, услышах тя в тайне бурне, искусих тя на воде пререкания. Слышите, людие Мои, и засвидетельствую вам, Израилю, аще послушаеши Мене. Не будет тебе бог нов , ниже поклонишися богу чуждему. Аз бо есмь Господь Бог твой, Изведый тя от земли Египетския, разшири уста твоя, и исполню я. И не послушаша людие Мои гласа Моего, и Израиль не внят Ми: и отпустих я по начинанием сердец их, пойдут в начинаниих своих. Аще быша людие Мои послушали Мене, Израиль аще бы в пути Моя ходил, ни о чесом же убо враги его смирил бых, и на оскорбляюшыя их возложил бых руку Мою. Врази Господни солгаша ему, и будет время их в век. И напита их от тука пшенична, и от камене меда насыти их.

Слава:

Псалом 81

Псалом Асафу	Псалом Асафа.
1 Бог ста в сонме богов, посреде же боги разсудит.	1 Бог стал в сонме богов, и среди богов совершает суд:
2 Доколе судите неправду, и лица грешников приемлете?	2 "Доколе вы судите неправедно и лицеприятствуете к грешным?
3 Судите сиру и убогу, смирена и нища оправдайте.	3 Судите сироту и бедного, смиренного и нищего оправдайте.
4 Измите нища и убога, из руки грешничи избавите eго.	4 Освободите нищего и бедного, из руки грешника избавьте его".
5 Не познаша, ниже уразумеша, во тьме ходят: да подвижатся вся основания земли.	5 Не познали они и не поняли, во тьме блуждают; да потрясутся все основания земли!
6 Аз рех: бози есте, и сынове Вышняго вси.	6 Я сказал: "вы – боги, и все вы – сыны Всевышнего.
7 Вы же яко человецы умираете, и яко един от князей падаете.	7 Но вы, как люди, умираете и, как один из князей, падаете".
8 Воскресни, Боже, суди земли: яко Ты наследиши во всех языцех.	8 Восстань, Боже, суди землю, ибо Ты получишь удел во всех народах!

    Бог ста в сонме богов, посреде же боги разсудит. Доколе судите неправду, и лица грешников приемлете? Судите сиру и убогу, смирена и нища оправдайте. Измите нища и убога, из руки грешничи избавите его. Не познаша, ниже уразумеша, во тьме ходят: да подвижатся вся основания земли. Аз рех: бози есте, и сынове Вышняго вси. Вы же яко человецы умираете, и яко един от князей падаете. Воскресни, Боже, суди земли: яко Ты наследиши во всех языцех.

Псалом 82

Песнь псалма Асафу	Песнь-псалом Асафа.
1 Боже, кто уподобится Тебе? Не премолчи ниже укроти, Боже.	1 Боже, кто уподобится Тебе? Не промолчи и не успокойся, Боже!
2 Яко се врази Твои возшумеша, и ненавидящии Тя воздвигоша главу.	2 Ибо вот, враги Твои зашумели, и ненавидящие Тебя подняли голову,
3 На люди Твоя лукавноваша волею, и совещаша на святыя Твоя.	3 против народа Твоего составили коварный замысел и совещались против святых Твоих,
4 Реша: приидите и потребим я от язык, и не помянется имя Израилево ктому.	4 сказали: "Придите, и истребим их из числа народов, и не вспомнят больше имени Иакова".
5 Яко совещаша единомышлением вкупе, на Тя завет завещаша:	5 Ибо решили они единодушно вместе, против Тебя союз заключили:
6 селения Идумейска, и Исмаилите, Моав и Агаряне:	6 селения Идумеев и Измаильтяне, Моав и Агаряне,
7 Гевал и Аммон и Амалик, иноплеменницы с живущими в Тире,	7 Гевал, и Аммон, и Амалик, иноплеменники с живущими в Тире.
8 ибо и Ассур прииде с ними, быша в заступление сыновом Лотовым.	8 Ибо и Ассур явился с ними, стали они поддержкой для сынов Лотовых.
9 Сотвори им яко Мадиаму и Сисаре, яко Иавиму в потоце Киссове.	9 Сделай им, как Мадиаму и Сисаре, как Иавину в потоке Киссоне:
10 Потребишася во Аендоре, быша яко гной земный.	10 истреблены они были в Аэндоре, сделались, как навоз на земле.
11 Положи князи их, яко Орива и Зива, и Зевеа и Салмана, вся князи их,	11 Низложи князей их, как Орива и Зива и как Зевея и Салмана, – всех князей их,
12 иже реша: да наследим себе святилише Божие.	12 которые сказали: "Возьмём себе в наследство святилище Божие".
13 Боже мой, положи я яко коло, яко трость пред лицем ветра.	13 Боже мой, сделай их как колесо, как тростник пред лицом ветра;
14 Яко огнь попаляяй дубравы, яко пламень пожигаяй горы,	14 как огонь, сожигающий дубравы, как пламя, опаляющее горы,
15 тако поженеши я бурею Твоею, и гневом Твоим смятеши я.	15 так погонишь Ты их бурею Твоею и во гневе Твоём смутишь их.
16 Исполни лица их безчестия, и взыщут имене Твоего, Господи.	16 Исполни лица их бесчестия, и они взыщут имени Твоего, Господи.
17 Да постыдятся и смятутся в век века, и посрамятся и погибнут.	17 Да постыдятся они, и смятутся во век века, и посрамятся, и погибнут,
18 И да познают, яко имя Тебе Господь, Ты един Вышний по всей земли.	18 и да познают, что имя Тебе – Господь, Ты один – высочайший на всей земле.

    Боже, кто уподобится Тебе? Не премолчи ниже укроти, Боже. Яко се врази Твои возшумеша, и ненавидяшии Тя воздвигоша главу. На люди Твоя лукавноваша волею, и совешаша на святыя Твоя. Реша: приидите и потребим я от язык, и не помянется имя Израилево ктому. Яко совещаша единомышлением вкупе, на Тя завет завещаша: селения Идумейска, и Исмаилите, Моав и Агаряне: Гевал и Аммон и Амалик, иноплеменницы с живущими в Тире, ибо и Ассур прииде с ними, быша в заступление сыновом Лотовым. Сотвори им яко Мадиаму и Сисаре, яко Иавиму в потоце Киссове. Потребишася во Аендоре, быша яко гной земный. Положи князи их, яко Орива и Зива, и Зевеа и Салмана, вся князи их, иже реша: да наследим себе святилише Божие. Боже мой, положи я яко коло, яко трость пред лицем ветра. Яко огнь попаляяй дубравы, яко пламень пожигаяй горы, тако поженеши я бурею Твоею, и гневом Твоим смятеши я. Исполни лица их безчестия, и взыщут имене Твоего, Господи. Да постыдятся и смятутся в век века, и посрамятся и погибнут. И да познают, яко имя Тебе Господь, Ты Един Вышний по всей земли.

Псалом 83

В конец, о точилех, сыном Кореовым, псалом	К исполнению, о точилах. Сынов Кореевых, псалом.
1 Коль возлюбленна селения Твоя, Господи сил!	1 Как желанны обители Твои, Господи сил!
2 Желает и скончавается душа моя во дворы Господни, сердце мое и плоть моя возрадовастася о Бозе живе.	2 Жаждет и томится душа моя, стремясь во дворы Господни, сердце моё и плоть моя возрадовались о Боге живом.
3 Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой.	3 Ибо и птичка нашла себе дом, и горлица – гнездо себе, где положит птенцов своих: алтари Твои, Господи сил, Царь мой и Бог мой.
4 Блажени живущии в дому Твоем, в веки веков восхвалят Тя.	4 Блаженны живущие в доме Твоём, во веки веков они восхвалят Тебя.
5 Блажен муж, eмуже есть заступление eго у Тебе; восхождения в сердце своем положи,	5 Блажен муж, для которого заступление есть у Тебя, он устроил восхождения в сердце своём,
6 во юдоль плачевную, в место еже положи, ибо благословение даст законополагаяй.	6 в долине плача, к месту, которое назначил Бог, – ибо благословение даст Законодатель.
7 Пойдут от силы в силу: явится Бог богов в Сионе.	7 Пойдут они от силы к силе, явится Бог богов на Сионе.
8 Господи Боже сил, услыши молитву мою, внуши, Боже Иаковль.	8 Господи, Боже сил, услышь молитву мою, внемли, Боже Иакова.
9 Защитниче наш, виждь, Боже, и призри на лице христа Твоего.	9 Защитник наш, Боже, посмотри и взгляни на лицо помазанника Твоего.
10 Яко лучше день един во дворех Твоих паче тысящ: изволих приметатися в дому Бога моего паче, неже жити ми в селениих грешничих.	10 Ибо один день во дворах Твоих лучше тысяч; избрал я лучше быть презренным в доме Божием, нежели обитать в жилищах грешников,
11 Яко милость и истину любит Господь, Бог благодать и славу даст, Господь не лишит благих ходящих незлобием.	11 ибо милость и истину любит Господь, Бог благодать и славу даст: Господь не лишит благ ходящих в беззлобии.
12 Господи Боже сил, Блажен человек уповаяй на Тя.	12 Господи, Боже сил, блажен человек, уповающий на Тебя.

    Коль возлюбленна селения Твоя, Господи сил! Желает и скончавается душа моя во дворы Господни, сердце мое и плоть моя возрадовастася о Бозе живе. Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой. Блажени живущии в дому Твоем, в веки веков восхвалят Тя. Блажен муж, емуже есть заступление его у Тебе; восхождения в сердце своем положи, во юдоль плачевную, в место еже положи, ибо благословение даст законополагаяй. Пойдут от силы в силу: явится Бог богов в Сионе. Господи Боже сил, услыши молитву мою, внуши, Боже Иаковль. Защитниче наш, виждь, Боже, и призри на лице христа Твоего. Яко лучше день един во дворех Твоих паче тысящ: изволих приметатися в дому Бога моего паче, неже жити ми в селениих грешничих. Яко милость и истину любит Господь, Бог благодать и славу даст, Господь не лишит благих, ходящих незлобием. Господи Боже сил, блажен человек уповаяй на Тя.

Псалом 84

В конец, сыном Кореовым, псалом	К исполнению, сынов Кореевых. Псалом.
1 Благоволил еси, Господи, землю Твою, возвратил еси плен Иаковль:	1 Ты явил благоволение, Господи, к земле Твоей, возвратил плен Иакова,
2 оставил еси беззакония людей Твоих, покрыл еси вся грехи их.	2 простил беззакония народу Твоему, покрыл все грехи их.
3 Укротил еси весь гнев Твой, возвратился еси от гнева ярости Твоея.	3 Прекратил весь гнев Твой, удержался от ярости гнева Твоего.
4 Возврати нас, Боже спасений наших, и отврати ярость Твою от нас.	4 Возврати нас, Боже спасения нашего, и отврати ярость Твою от нас.
5 Еда во веки прогневаешися на ны? Или простреши гнев Твой от рода в род?	5 Неужели вовек будешь гневаться на нас, или прострёшь гнев Твой от рода в род?
6 Боже, Ты обращься оживиши ны, и людие Твои возвеселятся о Тебе.	6 Боже, Ты, обратившись, оживишь нас, и народ Твой возрадуется о Тебе.
7 Яви нам, Господи, милость Твою, и спасение Твое даждь нам.	7 Яви нам, Господи, милость Твою и спасение Твоё дай нам.
8 Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему.	8 Услышу, что скажет во мне Господь Бог, – ибо Он скажет о мире к народу Своему, и к святым Своим, и к обращающим сердца к Нему.
9 Обаче близ боящихся Его спасение Его, вселити славу в землю нашу.	9 Так, близко к боящимся Его спасение Его, чтобы поселить славу в земле нашей.
10 Милость и истина сретостеся, правда и мир облобызастася.	10 Милость и истина встретились, правда и мир облобызались:
11 Истина от земли возсия, и правда с Небесе приниче,	11 истина из земли взошла, и правда с неба склонилась.
12 ибо Господь даст благость, и земля наша даст плод свой.	12 Ибо и Господь даст благость, и земля наша даст плод свой, –
13 Правда пред Ним предъидет, и положит в путь стопы своя.	13 правда пойдёт перед Ним и поставит на путь стопы свои.
Слава:	Слава:

    Благоволил еси, Господи, землю Твою возвратил еси плен Иаковль: оставил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны? Или простреши гнев Твой от рода в род? Боже, Ты обращься оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам. Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему. Обаче близ боящихся Его спасение Его, вселити славу в землю нашу. Милость и истина сретостеся, правда и мир облобызастася. Истина от земли возсияя и правда с Небесе приниче, ибо Господь даст благость, и земля наша даст плод свой. Правда пред Ним предъидет, и положит в путь стопы своя.

Слава:

По материалам Молитвослов